काठमाडौं । कामना सेवा विकास बैंकका ग्राहकहरूले पि. सि.आर परिक्षण गर्दा १५ प्रतिशत छुट पाउने भएका छन् । विश्वव्यापी महामारीको रुपमा फैलिरहेको कोरोना भाइरस (कोभिड–१९) काे विषम परिस्थितिलाई मध्यनजर गर्दै बैंकका ग्राहकलाई थप सहयोग पुगोस् भन्ने मनसायका साथ बैंकले उक्त सुविधा प्रदान गर्ने भएकाे हो । बैंकले सूरिया हेल्थ केयर सँगको सहकार्यमा विशेष छुटका साथ सहुलियत दरमा पि. सि.आर परिक्षणको सुविधा उपलब्ध गराउन लागिएको जानकारी दिएकाे छ ।

बैंक र हेल्थ केयरको सहमति अन्तर्गत अब बैंकका सम्पूर्ण ग्राहकहरुले सूरिया हेल्थ केयरमा पि. सि.आर परिक्षण गर्दा १५ प्रतिशत विशेष छुट प्राप्त गर्नेछन् ।