काठमाडौं । गुँरास लाइफ इन्स्योरेन्स कम्पनीको नाफा गत आवको चौथो त्रैमासमा २४ प्रतिशत वृद्धि भएको छ । सो अवधिमा कम्पनीले रू. ९ करोड ४९ लाख नाफा कमाएको हो । अघिल्लो आवको चौथो त्रैमासमा कम्पनीले रू. ७ करोड ६४ लाख नाफा कमाएको थियो । गत आवको चौथो त्रैमासमा कम्पनीले रू.१४ करोड ४३ लाख आम्दानी गरेको छ ।

अघिल्लो आवको चौथो त्रैमासको तुलनामा गत आवको सोही अवधिमा २८ प्रतिशत वृद्धि भएको हो ।

गत आवको चौथो त्रैमाससम्ममा कम्पनीले कुल रू. १० अर्ब २ करोड बीमाशुल्क आर्जन गरेको हो । अघिल्लो आवको सोही अवधिको तुलनामा बीमाशुल्क २८ प्रतिशत वृद्धि भएको छ । अघिल्लो आवको सोही अवधिमा कम्पनीले रू.७ अर्ब ८० करोड बीमशुल्क आर्जन गरेको थियो ।

कम्पनीको चुक्तापूँजी रू. ९३ करोड ८५ लाख छ भने जगेडा कोषमा रू. ३७ करोड ६४ लाख सञ्चित गरेको छ । गत आवको चौथो त्रैमाससम्ममा कम्पनीको जीवन बीमा कोषमा रू. ७ अर्ब ६६ करोड जम्मा भएको छ ।

कम्पनीको प्रतिशेयर आम्दानी रू. १० दशमलव १२(वार्षिक), मूल्य आम्दानी अनुपात ४५ दशमलव ९४ गुणा र प्रतिशेयर नेटवर्थ रू. १४४ दशमलव ९५ रहेको छ ।

---

ग्लोबल आईएमई बैंकको नयाँ शाखा कपनमा

काठमाडौं । ग्लोबल आईएमई बैंकले बुधबार काठमाडौंको बुढानिलकण्ठ नगरपालिका–१०, कपनमा नयाँ शाखा सञ्चालनमा ल्याएको छ । नयाँ शाखा सञ्चालनसँगै बैंकको शाखा कार्यालयहरूको संख्या २५९ पुगेको छ ।

बैंकले सबै क्षेत्र र वर्गसम्म बैंकिङ सेवाको पहुँच पुर्‍याउने उद्देश्यका साथ ७१ ओटै जिल्लामा फैलिएको २५९ ओटा शाखा सञ्जालसहित २३५ ओटा एटीएम, ४० ओटा एक्सटेन्सन तथा राजस्व संकलन काउन्टर, २१८ ओटा शाखारहित बैंकिङ सेवा र ३ ओटा अन्तरराष्ट्रिय प्रतिनिधि÷सम्र्पक कार्यालयमार्फत सेवा प्रदान गर्दै आएको बताएको छ ।

---