काठमाडौं । नाडेप लघुवित्त वित्तीय संस्थाको नाफा गत आवको चौथो त्रैमासमा ४५ दशमलव ९ प्रतिशत घटेको छ । अघिल्लो आवको चौथो त्रैमासमा रू. २ करोड ४३ लाख नाफा कमाएको उक्त कम्पनीको नाफा गत आवको सोही अवधिमा रू. १ करोड ३१ लाखमा सिमित भएको हो । कोरोना महामारीका कारण कम्पनीले ग्राहकहरुलाई नेपाल राष्ट्र बैंकको निर्देशन अनुसार ब्याज छूट दिनु परेपछि नाफा घटेको हो ।

अघिल्लो आवको चौथो त्रैमासमा उक्त कम्पनीले रू. २७ करोड ५७ लाख खुद ब्याज आम्दानी गरेकोमा गत आवको सोही अवधिमा रू. २५ करोड ३२ लाखमा सिमित भएको हो । चुक्तापूँजी रू. ३६ करोड ८० लाख रहेको उक्त कम्पनीको जगेडा कोषमा रू. २७ करोड १५ लाख सञ्चित गरेको छ । उक्त कम्पनीले गत आवको चौथो त्रैमाससम्ममा रू. २ अर्ब ४६ करोड सापटि लिएर, रू. १ अर्ब ३६ करोड निक्षेप संकलन गरेर रू. ४ अर्ब १३ करोड कर्जा लगानी गरेको छ । कम्पनीको प्रतिशेयर आम्दानी(वार्षिक) रू. ३ दशमलव ५८ रहेको छ ।