काठमाडौं । लाइफइन्स्योरेन्स कर्पोरेशन नेपाल लिमिटेडको स्वामित्वमा रहेको नागरिक लगानी कोषको संस्थापक शेयर सोमवार ( आज)  देखि लिलामीमा आएको छ ।

कोषको ५० हजार कित्ता संस्थापक शेयर साउन १९ गतेसम्म लिलामीमा विक्री खुला भएको हो । उक्त शेयर खरीद गर्न इच्छुक बैंक तथा वित्तीय संस्था र बीमा कम्पनीहरुले प्रतिकित्ता रू. १ हजार ८०० मा नघट्ने गरी गोप्य शिल बन्दी बोल पत्र पेश गर्नुपर्ने छ ।

शेयर खरीदका लागि न्यूनतम १०० कित्ता वा सो भन्दा माथि १० ले भाग जाने गरि अधिकतम सम्पूर्ण कित्ता का लागि आवेदन दिन सकिने छ ।

बोलपत्र आवेदन फारम विक्री प्रबन्धक नेपाल एस बि आईमर्चेण्ट बैंकिङ्ग लिमिटेड हात्तिसार, काठमाडौं र लाइफइन्स्योरेन्स कर्पोरेशन नेपालको केन्द्रीय कार्यालय पुतली सडक, काठमाडौंमा प्राप्त गर्न र बुझाउन सकिने छ ।

साथै आवेदन फारम नेपाल एसबि आई बैंक लिमिटेडको शाखा कार्यालयहरु विराटनगर , बिर्तामोड , वीरगञ्ज , जनकपुर , हेटौंडा , नारायणगढ , पोखरा , बाग्लुङ , बुटवल , दाङ , नेपालगञ्ज , सुर्खेत , धनगढी र महेन्द्रनगरमा पनि आवेदन प्राप्त गर्न र बुझाउन सकिने व्यवस्था गरिएको छ ।