काठमाडौं ।अनलाईन कारोबार व्यवस्थापन प्रणालीको समस्याका कारण आइतबार  सटसेल भएको कारोबार रद्ध हुने भएको छ । नेपाल स्टक एक्सचेञ्ज लिमिटेड ९नेप्से० ले आइतबारको कारोबारलाई हेरेर धेरै पटक आदेश भई खरिद विक्री भएका शेयर कारोबार रद्ध गराउने निर्णय गरेको छ । नेप्सेका प्रमुख कार्यकारी अधिकृत चन्द्र सिंह साउदले टिएमएसको समस्याका कारण लगानीकर्ताहरुले आफ्नो खातामा भएको भन्दा बढी कित्ता शेयर विक्री गर्न दिएको आदेश रद्ध गर्ने निर्णय भएको बताएका हुन ।

नेप्सेको यो निर्णयका कारण लगानीकर्ताहरु क्लोज आउटमा नपर्ने भएका छन् । आइतबार प्राविधिक समस्याका कारण लगानीकर्ताहरुको एउटै खरिद विक्री आदेश धेरै पटक देखिएको थियो । जसले गर्दा लगानीकर्ताहरुलेनै बढी भएको खरिद तथा विक्री आदेश रद्ध गराउन माग गरेका थिए । लगानीकर्ताहरुको माग बमोजिम नेप्सेले अवस्था हेरेर त्यस दिनको दोहोरो कारोबार रद्ध गराउने निर्णय गरेको हो ।

आइतबार टिएमएसको समस्याका कारण निर्धारित अवधिभन्दा एक घण्टा कम कारोबार भएको थियो । नेप्सेले टिएमएसमा समस्या देखिएपछि १२ बजेर ३ मिनेटपछि कारोबार स्थगित गरेको थियो । समस्या समाधान गरी ३ बजेर १५ मिनेटदेखि ५ बजेर १५ मिनेटसम्म खुलेको बजार ४ दशमलव ६४ अंक माथी उक्लिएको थियो ।