काठमाडौं – मोबाइल सेवा प्रदायक स्मार्ट टेलिकमले रिचार्ज गर्दा थप सुविधा प्रदान गर्ने नयाँ अफर सञ्चालनमा ल्याएको छ । कम्पनीले रिचार्ज गर्दा थप डाटा, भ्वाइस तथा एसएमएस सुविधा प्रदान गर्ने अफर सञ्चालनमा ल्याएको हो ।

जस अन्तर्गत स्मार्ट प्रयोगकर्ताले १ हजारको रिचार्ज गरेमा ९८०.४ मेन ब्यालेन्स सहित निशूल्क रुपमा थप ६ जीबी डाटा, २ सय मिनेट भ्वाइस तथा २ सय एसएमएस, ५ सयको रिचार्ज गरेमा ४९०.२० मेन ब्यालेन्स सहित निशूल्क रुपमा थप ३ जीबी डाटा, १०० मिनेट भ्वाइस तथा १०० एसएमएस, २ सयको रिचार्जमा १९६.०८ मेन ब्यालेन्स सहित निशूल्क रुपमा थप ८ सय एमबी डाटा, २० मिनेट भ्वाइस तथा २० एसएमएस र १ सयको रिचार्जमा ९६.०४ मेन ब्यालेन्स सहित निशूल्क रुपमा थप ४ सय एमबी डाटा, १० मिनेट भ्वाइस तथा १० एसएमएस प्राप्त गर्ने कम्पनीले जनाएको छ ।

त्यस्तै, यो अफर १ हजार र ५ सय रूपैयाँको रिचार्जको लागि ३० दिनसम्म, २ सय रुपैयाँको रिचार्जको लागि १५ दिनसम्म र १ सय रुपैयाँको रिचार्जको लागि ७ दिनसम्म मान्य हुने पनि कम्पनीले जानकारी दिएको छ । यसका साथै, स्मार्ट प्रयोगकर्ताले मोबाइल वालेट ईसेवा र खल्तीबाट स्मार्टको रिचार्ज गर्दा ५ प्रतिशत क्यासब्याक पनि प्राप्त गर्नेछन् ।