काठमाडौं । नेपाल स्कट एक्सचेञ्ज (नेप्से) मा गत आइतबार अरुण भ्याली हाइड्रोपावर डेभलपमेण्ट कम्पनीसहित चार वटा कम्पनीको बोनस सेयर सूचीकृत भएको छ । अन्य कम्पनीहरुमा चौतारी लघुवित्त वित्तीय संस्था आरम्भ माइक्रोफाइनान्स वित्तीय संस्था र किसान माइक्रोफाइनान्सको बोनस सेयर सूचीकृत भएको हो । अरुण भ्याली हाइड्रोपावरको ६ लाख ५३ हजार १०९ कित्ता बोनस सेयर, चौतारी लघुवित्तको १ लाख ३० हजार २०० कित्ता, आरम्भ लघुवित्तको ४४ हजार २८० कित्ता र किसान माइक्रोफाइनान्सको २ लाख ५ हजार ९९२.७५ कित्ता बोनस सेयर सूचीकृत भएको हो ।

अब यो सेयर दोस्रो बजारमा लगानीकर्ताले खरीद बिक्री गर्न सक्नेछन् । चौतारी लघुवित्त र आरम्भ लघुवित्त एक आपसमा गाभिएर आरम्भ चौतारी लघुवित्त वित्तीय संस्थाको नामबाट एकीकृत कारोबार भने सुरु भइसकेको छ ।नेपाल इन्स्योरेन्सले २.८९ ५ लाभांश दिनेनेपाल इन्स्योरेन्सले अहिले आफ्ना सेयरधनीलाई २.९८ प्रतिशतले लाभांश वितरण गर्न थालेको छ । त्यस्तै, चुक्ता पुँजीको ५ प्रतिशत बोनस सेयर पनि वितरण सुरु गरेको छ । ५ असारमा बसेको साधारणसभामा लाभांश र बोनस प्रस्ताव पारित भएको थियो ।

सेयरधनीहरूलाई लाभांश बैंक खातामा नै पठाइएको इन्स्योरेन्सले जनाएको छ । इन्स्योरेन्सले लाभांश र बोनस प्राप्त नगरेका सेयरधनीहरूलाई सेयर प्रमाणपत्र अभौतिकीकरण गर्न भनेको छ । इन्स्योरेन्सले सार्वजनिक सूचना नै निकालेर सेयर प्रमाणपत्र अभौतिकीकरण नगरेका सेयरधनीहरूले डिम्याट खाता रहेको सम्बन्धित ब्रोकरमा अभौतिकीकरण गरी बैंक खाता अद्यावधिक गर्न आग्रह गरेको हो । अहिले कम्पनीको चुक्ता पुुँजी १ अर्ब १५ करोड ३ लाख १३ हजार रुपैयाँ छ ।